Дэлгэрэнгүй
Татаж авах Docx
Дэлгэрэнгүй уншаарай
Одоо Ау Лак буюу Вьетнамаас Май Трангийн илгээсэн сэтгэгдлийг хүргэе:Хүндэт Их Багш Тим Ко Ту, Та дэлхий нийтэд хуваалцсан шиг хуурамч их багш Румагийн учруулсан хор уршгийн талаар түүхээ хуваалцмаар байна, энэ нь бүхэлдээ үнэн юм. Манай ам бүл зургаан хүнтэй, тав нь 30 жилийн турш Таны шавь байгаа. Хамгийн том ах минь л хараахан Таны шавь болоогүй ч тэр цагаан хоолтон ба Танд хүчтэй итгэдэг.2021 онд тэр цагаан хоолны ресторанд санамсаргүй байдлаар, үсчин бөгөөд Их Багшийн дагалдагч байсан гэж хэлсэн нэг эмэгтэй танилцсан аж. Тэгээд ах минь түүний салонд үсээ засуулахаар очсон. Тэр эмэгтэй үсийг нь засаж байхдаа түүнд Румагийн лекцийг сонсгож, Их Багш, тэр хоёр нэг гэж хэлсэн байв. Ах маань ойлголгүй, зүгээр л тэр эмэгтэйг Их Багшийн дагалдагч гэж бодсон. Гэртээ ирсний дараа түүнд дараах шинж тэмдэг илэрч эхлэв. Цээж нь үргэлж тамын гал шиг халуу шатам оргиж, тэр сөрөг бодлоо дагахыг түүнд уриалсан түгшүүртэй дуу хоолой сонсож, олон удаа амиа хорлохыг хүсэж байсан. Шөнө нь тэр хар дарсан зүүд зүүдлэн, сүнснүүд түүнтэй ярихыг хардаг байсан бөгөөд өдрийн цагаар ихэвчлэн ёолон хэвтэж, идэж, уухаас татгалзаж байлаа.Түүнийг асарсан учир би ч бас яг түүн шиг шөнө бүр хар дарж зүүдэлж байв. Тэр Их Багшаас тусламж хүсэн залбирч, бясалгасан. Дараа нь тэрээр гартаа жижиг усны савтай Арьяабалын Бодисадва болох Их Багшийн хувилгаан биеийг харсан. Тэр бургасны мөчрөөр толгой дээр нь ус цацаж, гараараа толгойг нь зөөлөн илэхэд тэр сайжирсан.Яг тэр үед Тайвань (Формоса)-ийн авшигтан надад Их Багшийн зохиосон С.М. Тэнгэрлэг Үнэт эдлэлийг илгээсэн юм. КОВИД цар тахлын оргил үед үнэт эдлэлийг шуудангаар илгээх боломжгүй байсан ч Бурханы гайхамшгаар би үүнийг тун богино хугацаанд хүлээн авсан. Би үүнийг зүүхэд Диваажингийн Ивээл над дээр бууж, үйлийн үр даруй арилсныг мэдэрсэн. Ах бид хоёр сайхан унтаж, дахин хар дарж зүүдлэхээ больсон. Түүнээс хойш тэрээр аажмаар эдгэрч, дахин эрүүл болсон. Миний ах, манай гэр бүл бид нар Их Багшийн Хайр, Ивээлд хэмжээлшгүй их талархаж байна. Танд үргэлж эрүүл саруул, эсэн мэнд байхыг хүсэн ерөөе. Бид Танд хайртай. Ау Лак (Вьетнам)-аас Май ТранТалархалтай Май Тран, гэр бүлийнхээ хуурамч “их багш”-тай холбогдсон хэцүү, аймшигт туршлагыг хуваалцсанд баярлалаа.Их Багш тантай билиг ухааны үгсээ хуваалцлаа: “Итгэлт Май Тран, Бурханы Өршөөлийн ачаар танай ах, та хоёр эдгээр эмзэг цайлган хүмүүсийг устгахыг оролдсон хар хүчнээс сэргэж чаджээ! Таны түүх бусдад хуурамч “их багш” чөтгөр, түүнтэй холбоотой хүн бүрээс хол байх ёстойг сэрэмжлүүлэх болтугай. Төрөлтнүүд өөрсдийгөө оюун санааны их багш гэж зориуд төөрөгдүүлэх үед хамгийн дорд энергитэй болдог, учир нь энэ бол хамгийн аймшигтай хууран мэхлэлт юм. Хүн аврал эрж буй цөхрөнгөө барсан хүмүүсийг хууран, өөрийгөө хуурамчаар их багш гэж танилцуулахад тэд тамын хар нүхтэй адил юм. Тэдэнтэй холбоотой хэн ч, юу ч ийм төрлийн аймшигтай энергийг тээж явдаг. Та ахыгаа хүндээр зовж, танд ч бас сөргөөр нөлөөлж байгааг харлаа. Дээдийн Ном төгсөх энэ эринд олон урхи занга, хорон муу зүйл бий. Энэ дэлхийн хүмүүсийн төлөө сэтгэл минь үнэхээр харамсаж байна. Сонсох чихтэй хүмүүс зүрх сэтгэл, оюун ухаанаа дотоодын Буддагийн Мөн чанар луугаа эргүүлж, ухамсартай амьдран, энэ хуурмаг байдлаас ангижрахын тулд амьд Их Багшаас туслалцаа эрж, улмаар Гэртээ аюулгүй харих болтугай. Та болон өлзий билигт Ау Лак (Вьетнам) улс жинхэнэ Дээдийн Номд амгалан оршиг. Танд болон ахад тань маш Их Хайртай шүү.”
